Puisi Bali Paling Anyar

I Komang Ari Subawa

Palakarma

Dot pisan ngerasayang
Nénten sekadi sapuniki
Sios ring kahuripan mangkin
Baat kerasa yan pinehin

Yan gandong tan urungan bah
Yan suwun, tan sida baan…..
Sapunapiang mangkin?
Nrugtug rasa tangkahé
Telas rasa bayuné

Minab puniki kabaos palakarma
Rasa ibuk maadukan
Dados ké puniki anggén pariselsel?
Idup wantah mabekel karma
Ngiring marginin!!




Kasép

Nuju sang surya endag
Duk punika raris pablesat
Wénten inguh…..
Wénten mamisuh…..
Tan urungan pada uyut

Inguh padidian
Raos pada ngacuh
Pakaryan sampun nyantos
Paling buka nak buduh….