I Komang Ari Subawa
Mararian
Nuju matan ai engseb ring kelod kauh
Irika raris mataki-taki
Kéwala kari rumasa seneng
Onyang pada saksak-siksik
Malaib-laib….
Ada ané paling maimbuh inguh
Nangken mawali kapaumahan
Genahé anggén mararian
Sekadi pasar yéning baosang unduké
Ulah-alih tan pariselsel
Riantuk sampun titah Hyang Parama Kawi
Astitiné sane mautama
Sembah ring Ida
Turmaning malarapan manah bagia
Irika pakedék pakenyung
Nyanggra wenginé rauh
Ingan yen kerasayang
Jejeh yéning mupu sane tan becik
Eling tan urungan medal
Geginané pinaka pangupajiwa
Élah yan sampun mupu melah
Girang pikenohé…..
Saksak-siksik
Pikenoh saling paduegin
Kéwale poloné pada embuh
Sekadi asu sané galak ngongkong
Lan tuara pingenan nyegut
Sekancan papineh anak tiosan
Samian katungkasin
Merasa déwék paling beneh lan dueg
Sing merasa tekén déwék tuna
Gangsaran tindak kuangan daya
Saksak-siksik sing karuan entek
Pakaryan tan puput,
Pemragatné samian uug….
Tidak ada komentar:
Posting Komentar